Мектеп-лицей қабырғасында қолайлы жағдайлар мен қауіпсіз орта құру мақсатында бейнебақылаумен қамтамасыз ету және «Терроризмге осал объектілерді терроризмге қарсы қорғауды ұйымдастыру жөніндегі талаптарды бекіту туралы» Қазақстан Республикасы Үкіметінің 2021 жылғы 6 мамырдағы № 305 қаулысының талаптарына сәйкес бейне бақылаумен және «Qazaq bilim» турникет жүйесімен қамтамасыз етілген. Мектеп ғимаратын бейне бақылаумен қамтамасыз ету мақсатында 132 камера оның 24 камерсы ЦОУ-ға қосылған. Видео камераларды орналастыру және дұрыс жұмыс істеуін қамтамасыз ету үшін тиісті мекемелермен келісім шарт жасалды. Ғимаратқа кіруді бақылауды ұйымдастыру мақсатында турникеттер қойылған. Турникеттер «Qazaq bilim» жүйесімен жабдықталған. Бұл рұқсат етілмеген адамдардың мектепке кіруіне жол бермеуге ғана емес, сонымен қатар, келу және кету уақытын тіркеумен оқушылардың сабаққа қатысуын, жеке тіркеуді орнатуға мүмкіндік береді. Мектеп ғимаратының өрт сигнализациясында түтін мен жылу детекторлары қолданылады. Білім беру мекемесі дауыс зорайтқыш байланысымен және «101» пультіне тікелей келетін сигналмен АПС өрт сигнализациясының автоматтандырылған жүйесімен, сондай - ақ барлық өрт сөндіру құралдарымен жабдықталған. Мектеп терроризмге қарсы қорғанысты қамтамасыз ету үшін нормативтік құжаттармен жүйелі түрде жұмыс жасайды, білім беру мекемесінің қауіпсіздік паспорты, мәдени іс-шаралар ұзақтығының қауіпсіздік жоспарлары, апатты жағдайда ғимараттардан эвакуациялау жоспарлары әзірленді.
Оқушыларға алғашқы медициналық қызмет көрсетіледі, ЛОР, дерматолог, травматолог дәрігерлерінің қатысуымен медициналық тексеріс пен емдеу жүргізіледі. Жыл сайын Астана қаласы Санитарлы-эпидемиологиялық қадағалау басқармасымен оқу ғимаратына санитарлық-эпидемиологиялық тексерісі жүргізіледі, санитарлық-эпидемиологиялық нормалар мен талаптардың сәйкестігіне шешім беріледі. Жыл сайын Астана қаласы бойынша Төтенше жағдайы басқармасымен мектеп-лицей ғимараты, аумағының өрт-техникалық бақылау тексерісі жүргізіледі.