«Буллинг және кибербуллингтің алдын алу» және де «Кәмелетке жасы толмағандар арасындағы құқықбұзушылық, жыныстық тиіспеушілік, нашақорлықтың алдын алу» тақырыбында Астана қаласы «Есіл» ауданы полиция басқармасының қызметкерлері жалпылама лекция оқып, жекеленген сыныптардың тәрбие сағатына қатысты.
7-10 сынып оқушыларымен жас ерекшеліктеріне сай, қауіпсіздік шараларын сақтау, әлеуметтік желіде танысу немесе достасу қаупінен қорғану, ата-анамен дұрыс қарым-қатынас құрудың маңыздылығы туралы сұхбат жүргізді. Ювеналды полицияның аға сержанты Қасанаев Сырым Данашевич пен Ішкі істер органдарының кәмелетке толмағандардың істері жөніндегі учаскелік полиция майоры Мукушева Рабига Еркебаевна құқықтық сабақтарға қатысып, сұхбат жүргізіп, білім алушылардың сауалдарына жауап берді.